Reperi Kleviol Ahmeti i njohur me emrin Cllevio Serbiano, dyshohet se fshihet pas djegies së Ferrarit të Noizyt. Pas këtij lajmi ai ka bërë një reagim në rrjetin e tij social Instagram. Reperi ka publikuar në rrjete sociale lajmin me mbishkrimin e fragmentit të një kënge ku “mbështeste” Vlonjatët, pasi edhe personi që e ka djegur makinën ishte nga Vlora.
Gjithashtu në një live të fundit në rrjetin social TikTok Cllevio thotë: ‘No Ferrari, no Ferrari, Maybach RIP”. Duke treguar se është djegur tjetër makinë dhe jo Ferrari. Ngjarja ka ndodhur më 6 gusht rreth orës 05:10, në lagjen numër 1, e njohur si zona e Currilave.
Së fundmi, kujtojmë se autori i ngjarjes, i identifikuar si Siar Konti, në dëshminë e dhënë para policisë ka pohuar se është paguar 2 mijë euro për të kryer aktin e djegies së automjetit. Siç shihet nga pamjet, i riu është veshur me xhup dhe ecën në rrugë, ndërsa është kapur ‘mat’ nga kamerat e sigurisë.
Zjarrvënia ndodhi pak ditë më parë në qytetin e Durrësit. Gjatë dëshmisë së tij ai ka implikuar si porositës të ngjarjes reperin Kleviol Ahmetin, i cili njihet për konfliktet që ka pasur me Noizyn.
Por Ahmeti ka mohuar që të ketë lidhje me ngjarjen, ndërsa i takon policisë që të zbardhë deri në fund atë se çfarë ka ndodhur.
Discussion about this post