Për studentët përballimi kostove të larta të qytetit po bëhet gjithmonë dhe më e vështirë. Ata tregojnë se, këtë vit të rikthyer pas dy vitesh mësim online po përballen me çmime të dyfishuara ta qirave. Një studente tregon në prononcim për mediet se e kanë të lehtë të gjejnë shtëpinë sepse ka shumë mundësi, por çmimet pastaj janë ato që i stepin pasi janë të kripura. Ajo tregon se më parë në zona afër qendrës mund të gjeje shtëpi me 250 mijë lekë me hapësirë të mjaftueshme, ndërsa tani flitet vetëm me uro dhe shtëpia me vogël kushton 250 euro.
“Në qoftë se flasim prej 1 viti më parë, qiraja maksimale që ne mund ta quajmë ishte 250 mijë lekë, por këtë vit qiratë nisin nga 250 euro dhe nuk flasin më me lekë dhe kjo më duket qesharake pasi kur pagat janë në lekë pse gjërat duhet të jenë në euro”, shprehet studentja.
Sakaq, studentja trgeon se ka këkruar shtëpi në cdo zonë të Tiranës, që ndodhen edhe më larg qendrës, por çmimet jana marramendëse. “Në zona të ndryshme të Tiranës, si “Ali Demi”, “21 Dhjetori”, “Rruga Elbasanit”, “Vasil Shanto”, “Komuna Paristit”, “Astir”, çmimet variojnë nga 300 euro e në disa raste 500 euro e më shumë. Për një student një shumë e tillë është e papërballueshme. Fillimisht kur kam ardhur kam pasur ndihmën e familjes time por tani prej 2 vitesh po punoj vetë dhe e paguaj vetë jetesën time. normalisht e ndaj me shoqe qiranë pasi përveç qiratë duhet të paguajmë tarifën e shkollës librat dhe transportin. Minimumi 200 mijë lekë, qiraja, uji, drita”, tha Esi Basho.
Sipas saj, edhe të gjesh një shtëpi të lirë diku më në periferi kostot do të jenë gjithashtu të larta, për shkak të transportit dhe shërbimeve të tjera që duhet të marrë çdo ditë.
Discussion about this post