Dele Alli pritet të largohet nga Tottenham në merkaton e janarit, me shumë mundësi në formë huazimi.
Me ardhjen e Antonio Conte në krye të pankinës, anglezi nuk ka pasur shumë mundësi të luajë. Mesfushori është aktivizuar vetëm 19 minuta lojë në Premier League që nga shtatori dhe ka kaluar shumicën e kohës ka qëndruar në stolin e rezervave.
Presidenti Daniel Levy dhe drejtori Fabio Paratici kanë rënë dakord të pranojnë oferta për anglezin në janar, me një largim të përhershëm që nuk përjashtohet.
Megjithatë, Spurs pritet të kërkojë një tarifë të konsiderueshme për 25-vjeçarin, i cili mbetet nën kontratë deri në vitin 2024, edhe pse nuk ka gjasa që ndonjë nga klubet e interesuara të jetë i përgatitur të paguajë shumën e kërkuar.
Discussion about this post