Banorët e “5 Majit” nuk heqin dorë nga shtëpitë e tyre. Edhe këtë të shtunë, ata kanë dalë në protestë për të mbrojtur banesat që janë planifikuar nga bashkia për tu shembur si pasojë e një projekti rindërtimi që do të zhvillohet në zonë.
Banorët e shqetësuar shprehen se nuk kanë marrë ende një reagim zyrtar nga bashkia e Tiranës. Ata nuk dinë se çfarë do të ndodhë me banesat e tyre.
“Të na japë zgjidhje. Kini mëshirë. Kemi më shumë se 1 muaj që protestojmë. Kemi më shumë se një muaj që kemi bërë ankesa, si ka mundësi askush nuk na ka bërë asnjë sqarim. Jemi njerëz dhe ne”, shprehen banorët.
Theksojmë se projekti mbulon njësinë administrative 4 dhe 8 të “5 Majit”.
Ndërsa banorët të cilët me ditë të tëra kanë dalë në protestë e konsiderojnë të njëanshme aktmarrëveshjen, që u është komunikuar, pasi në të nuk flitet për interesa që mbrojnë të dyja palët.
Gjithashtu në kontratë nuk bëhet me dije se kur banorët do të dëmshpërblehen dhe se sa do të jetë vlera e dëmshpërblimit.
Discussion about this post