Aleanca për Teatrin ka bërë një kallëzim penal për prokuroren Manjola Kajana, e cila nuk ka hapur hetimin për kallëzimin që Aleanca bëri ndaj ambasadorit Luigi Soreca dhe kryetarit të bashkisë së Tiranës, Erion Veliaj.
“Kemi bërë kallëzim penal për prokuroren Manjola Kajana e cila ka shpërdoruar rëndë detyrën. Prokurorja Kajana marrë ka vendimin për moskallëzimin penal ndaj Sorecës dhe kryetarit të bashkisë Tiranë. Ne kemi argumentuar nga pikëpamja ligjore se ambasadori Soreca në kundërshtim me Kushtetutën ka kryer vepër penale, ka ndërhyrë në punë të brendshme të Shqipërisë ka ushtruar ndikim të paligjshëm në sistemin gjyqësor”, tha Kalaja.
Ndër të tjera, avokatja nuk kurseu akuzat për ambasadoren Yuri Kim dhe Sorecën për të cilën thonë se po ndërhyjnë në punët e brendshme të Shqipërisë dhe reformës në drejtësi.
“Soreca ka zhvilluar një takim sekret në ambientet e gjykatës Kushtetuese, Soreca ka takuar kryetaren në detyrë të gjykatës Kushtetuese, ky veprim i Sorecës është në kundërshtim me ligjin. Prokurorja s’ka bërë asnjë shkresë nëse ka qenë ose jo i planifikuar ky takim dhe pse nuk është bërë publike as takimi mes Sorecës dhe kryetares së Gjykatës Kushtetuese. Soreca ka bërë vepër penale së bashku me kryetarin e baskisë së Tiranës. Doja t’i bëja një pyetje Sorecës, kush është baza ligjore që lejon Sorecën të futet në gjykatën kushtetuese, po Kim kush e lejon që të ndërhyjë në Gjykatën Kushtetuese. Këta ambasadorë kanë lidhje vetëm me ministrinë e jashtme. Ne garantojmë publikun që nuk do të rreshtim deri sa të ndërtohet si ishte Teatri Kombëtar, sipas projetktit të vitit 1938”, deklaroi ajo.
Ndër të tjera, Kalaja u shpreh se SPKA ka pranuar kallëzimin për çështjen e Teatrit Kombëtar, ndërsa theksoi se vendimi nuk ekzekutohet nga Gjykata Kushtetuese.
Discussion about this post