Tërmeti i ndodhur në nëntor të 2019 ende po lëndon qytetarët e vendit tonë, të cilët pavarësisht se kanë kaluar 3 vite, ende gjenden të pastrehë.
I tillë është dhe rasti i Gjin Bushi, 70 vjeç i cili ka zgjedhur të protestojë te Bashkia e Kurbinit, si familje e pastrehë.
“Kam dalë me kërkuar të drejtat e mia, më është shemb shtëpia, ma ka shemb tërmeti ka tre vjet që nuk më japin pension, jam njeriu më i persekutuat në Laç” shprehet Gjin Bushi.
Sipas 70-vjeçarit i institucionet nuk i kanë siguruar strehim në ndërtimet e reja në qytetin e Laçit. Prej disa kohesh ka trokitur në dyert e bashkisë për të siguruar strehë.
E vetmja zgjedhje sipas tij është greva e urisë të cilën e ka nisur mëngjesin e sotëm.
“Unë do të rri këtu deri kur të vdes , do marr një shishe benzinë dhe do vetëflijohem këtu po nuk më zgjidhën problemin, do i fus një të djegur e të më mbeten kockat këtu. Unë sot jam i vdekur. Unë që në vitin 1987 kam marrë atë hyrjen që e shembi tërmeti. Jo thotë se ke privatizu, po skam pas mundësi.”, ka shokur ai me deklaratën e tij.
Gjin Bushi ka thënë se e ka paralajmëruar policinë dhe kryetarin e degës dhen nëse ata nuk i japin zgjidhje problemit të tij, do i japë ai vetë.
“Unë do rri këtu para Bashkisë sa të vdes. Policinë e kam paralajmërur, kryetarin e degës i kam thënë, kam ardhur më tregu se do hyjë në grevë urie. Jam i sëmurë, kam shkuar para 3 ditëve dy herë në spital. Po ma zgjidhën punën mirë po s’ma zgjidhën do e zgjidh vetë”, vazhdon ai.
Discussion about this post