Lidhur me videon e publikuar në rrjetet sociale ku shihet një automjet që nuk i hap rrugën zjarrfikëses për të të shkuar në vendngjarjen e një aksidenti, ka ardhur reagimi i Policisë së Vlorës. Policia bën me dije se ka mundur të identifikojë drejtuesin e mjetit, i cili është 25-vjeçarin me inicialet F. Rr, banues në Vlorë.
Ndaj 25-vjeçarit që u bë pengesë për mbërritjen e shpejtë të zjarrfikëses tek aksidenti, ku si pasojë humbi jetën një person, i është vënë edhe një gjobë prej 40.000 lekë të reja si dhe pezullimi i lejes së drejtimit për 24 muaj.
Drejtoria Vendore e Policisë Vlorës fton qytetarët që të denoncojnë në numrin 112 dhe në Komisariatin Digjital çdo paligjshmëri duke iu garantuar anonimat të plotë dhe reagim të menjëhershëm dhe të paanshëm.
Discussion about this post