Mila Kunis dhe Ashton Kutcher kanë habitur ndjekësit me deklaratat e tyre të fundit. Mediat e huaja raportojnë se aktorët nuk i lajnë çdo ditë fëmijët e tyre dhe kjo e ka një arsye.
Çifti, të cilët janë prindër të vajzës Wyatt Isabelle , 6 vjeç dhe djalit Dimitri Portwood , 4 vjeç zbuluan se nuk besojnë në larjen e fëmijëve çdo ditë.
“Unë nuk kisha ujë të ngrohtë teksa isha fëmijë në rritje, ndaj dhe nuk bëja shpesh dush. Kur u bëra nënë, as fëmijët e mi nuk i laja çdo ditë. Unë nuk laja bebat e mi shumë shpesh. Sipas “Mayo Clinic” të lash fëmijën çdo ditë mund të thajë lëkurën e tij”,– u shpreh Mila.
Ndërkohë, Ashton shtoi se vetëm nëse shikon papastërti te fëmijët, duhet t’i lash ata.
