Deputetja e Partisë Demokratike, Albana Vokshi ka folur nga ambientet e jashtme të Kuvendit, pasi nuk u lejua nga Garda të futej në seancën plenare të ditës së sotme. Vokshi u shpreh se po i censurojnë dhe duan tu mbyllin gojën deputetëve të opozitës.
“Përsëri unë dhe Hoti nuk u lejuam prej Gardës me urdhër të Nikollës, për të hyrë në seancë. Dje u njoftua mbledhja e Byrosë së Kuvendit pas ankimimit që unë dhe Hoti bëmë lidhur me vendimin e sekretariatit të Etikës, i cili është shndërruar në një organ censure që kërkon të mbyllë gojën deputetëve të opozitës. Ne dje ishim të pranishme, ndërkohë që mbledhja u dështua me urdhër të Ramës. Kjo sepse në bazë të audios dhe videos që kam unë, nuk ka pasur asnjë fakt për të bazuar dënimin e tyre, është dënim politik”, tha ajo.
Discussion about this post