Nuk i ndalon policisë, procedohet penalisht 20-vjeçari. Ngjarja ka ndodhur në Bilisht, ndërsa policia në një njoftim zyrtar shprehet se 20-vjeçari F.K, teksa drejtonte një automjet tip Benz, nuk i është bindur urdhrit të efektivëve dhe është larguar me shpejtësi, për t’u kapur më pas.
“Specialistët për Hetimin e Krimeve të Komisariatit të Policisë Devoll referuan materialet në Prokurori ku filloi procedimi penal në gjendje të lirë për shtetasin F. K., 20 vjeç, banues në Bilisht, pasi në qytetin e Bilishtit, shërbimet e Policisë kanë konstatuar automjetin tip “Benz” me drejtues këtë shtetas, të cilit i kanë bërë me shenjë të ndalonte për verifikim dhe kontroll dokumentacioni. 20-vjeçari nuk i është bindur urdhrit të tyre dhe larguar me shpejtësi, por u kap më pas nga shërbimet e Policisë.”– njofton policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Discussion about this post