Kreu i Sindikatës së Pedagogëve, Sandër Kovaçi deklaroi për mediat se bojkoti i mësimit në universitete do të shtrihet përgjatë gjithë ditës, duke nisur nga ora 10:00. Kovaçi pohoi se pedagogë dhe studentë do të mblidhen duke nisur nga ora 10:00 para Universitetit Politeknik të Tiranës.
Mes të tjerash kreu i Sindikatës i kthehu përgjigje Ramës, ku ky i fundit tha se kishte ikur koha kur paga rritej uniformë se e kërkonte sindikata, duke paralajmëruar se rritja me 7% do jetë e fundit që qeveria bën.
“Deklarojmë vijimin e protestës deri në vijim, drejtuar kryeministrit, ministres së Arsimit, dhe rektorëve, në formën e ndërprerjes së mësimit gjatë gjithë ditës, duke nisur nga ora 10:00, para universitetit Politeknik. Të dashur kolegë, vetëm vijimi dhe qëndresa jonë e përbashkët do të vijojë. I bëjmë thirrje të gjithë pedagogëve të bashkohen. Rama e ka takimin me rektorët në kuadër të një komitetit. T’i të thërrasë mendjes dhe të shohë problemet. Të gjitha universitet janë në gjendje kënetore me këtë investim. Rankimet pa fonde i bën kot. Ça rankimi bën kot? Performanca e Universiteteve është e mirë në krahasim me gjendjen e mjerueshme që është sot. Pedagogët kanë vazhduar dhe në kohë pandemie, edhe pse me pasoja. S’mund të ketë rankim me këtë gjendje. I bëjmë thirrje kryeministrit, ministrisë së Arsimit, që të kthejnë kokën nga universiteti që të financojnë”, tha Kovaçi.
Discussion about this post