Kryeministri grek, Kyriakos Mitsotakis, ka rezultuar pozitiv me Covid-19. Lajmin e ka bërë të ditur vetë kryeministri nëpërmjet një postimi në rrjetet sociale.
Ai ka njoftuar se do të karantinohet në shtëpi, ndërsa do ta vazhdojë punën online.
“Në testin e shpejtë ditor që bëra sot në zyrë, dola pozitiv për Covid-19. Do të jem i izoluar në shtëpinë time dhe do të punoj nga shtëpia.”
Nga ana tjetër, Mitsotakis ka rikujtuar në postimin e tij se vaksinimi prej tre dozash ofron nga kjo sëmundje e rëndë, cilësoi ai. Gjithashtu, kryeministri grek nuk i ka humbur shpresat dhe shprehet se do të rikthehet shumë shpejt në zyrën e tij.
“Dua që ju të mbani mend se vaksinimi i trefishtë ofron mbrojtjen më të mirë të mundshme kundër sëmundjeve të rënda. Jam i sigurt se gjithçka do të shkojë mirë dhe shumë shpejt do të jem sërish në zyrë.”
Discussion about this post