Kina miratoi dhënien e ndihmës vdekjeprurëse për Rusinë për luftën e saj në Ukrainë, por donte që çdo dërgesë të mbetej sekret, sipas dokumenteve të zbuluara të qeverisë amerikane.
Një përmbledhje e fshehtë e informatave të inteligjencës thotë se Pekini kishte miratuar furnizimin e Moskës me armë, të cilat do t’i maskonte si sende civile, sipas një raporti të Washington Post.
Informacioni u mblodh nga agjentë amerikanë që përgjonin diskutimet e shërbimit sekret rus, raportoi gazeta. Rusët thanë se komisioni qendror ushtarak i Kinës donte që dërgesat të mbeten sekrete, thuhej në raport.
Republika Popullore e Kinës gjithmonë, ka pretenduar se ka qënë kundër konfliktit të armatosur në lindje të Europës por, duket se nga ana tjetër, nuk përtonte të ndihmonte shtetin agresor (Rusinë) duke e furnizuar me armë.
Discussion about this post