Ish-kryeministri në një intervistë për mediat, Sali Berisha ka treguar arsyet e mungesës së tij ditën e sotme në Kuvend.
Berisha tha se arsyeja është për shkak të kontradiktave të hapura me presidentin Erdogan në vitet e fundit të qeverisjes së tij, pasi nuk ka pranuar të ndjekë apo të votojë rezolutën për Palestinën.
“Mungova sot sepse gjykova që nuk duhet të isha i pranishëm në fjalën në Parlament të presidentit të Turqisë, Erdogan. Unë jam njeri që respektoj shumë Turqinë dhe kombin turk, por unë kam pasur kontradikta të hapura me presidentin Erdogan në vitet e fundit të qeverisjes nga unë, ku nuk kam pranuar të ndjekë apo të votojnë në OKB rezoluta që binin në kundërshtim, në vlerësimin tim, me qëndrimet që mbanin SHBA dhe vendet e mëdha për çështjen e Palestinës.
Shqipëria është nga ato të pakta vende që ka një ambasadë të Palestinës prej vitesh, por asnjëherë nuk u vendos në diskutim prania e saj në Tiranë. Rezoluta me të cilin u ndava me Erdogan ishte një përpjekje për të përjashtuar rolin e SHBA në zgjidhjen e krizës në Lindjen e Mesme. Ishte përpjekje për ta salduar edhe më tej atë krizë” – tha Berisha.
Discussion about this post