Deputeti i Partisë Demokratike, Agron Shehaj, në një intervistë për mediat, është shprehur se nuk është as me Berishën dhe as me Bashën, në këto momente ka vendosur të mos kandidojë për të qenë në krye të PD-së, dhe për këtë e ka një argument.
“Unë do jem këtu dhe do të punoj për të qenë kryetar i Partisë Demokratike, por jo sot, sepse nuk është koha. Edhe me Bashën nuk veprova duke ndjekur radhën, në atë kohë bëra atë që duhej bërë sepse kishim një kryetar që kishte 8 vjet që humbiste. Ndërkohë në këto momente nuk është gjë e duhur që unë të kandidojë. Sot që flasim nuk është e duhur sepse Berisha ka një mbështetje të jashtëzakonshme. Vendimet që po marr sot nuk po i marr se çfarë do bëjë nesër. Nga ana tjetër jam i bindur se përçarja e opozitës favorizon Ramën. Sot kam marrë një vendim që nuk duhet të garojë për kryetar përballë Sali Berishës.”
Shehaj është shprehur se ka pasur takime me ambasadoren amerikane disa herë, por në asnjë rast nuk më është kërkuar të mbajë një qëndrim të caktuar. Ai ka treaguar se i kanë thënë që Berisha nuk duhet të jetë aty sepse është non grata, por kjo sipas tij është qëndrimi i tyre.
“Kam pasur takime me ambasadën amerikane, disa herë, por në asnjë rast nuk më është kërkuar të mbajë një qëndrim të caktuar. Më kanë thënë ato që Berisha nuk duhet të jetë aty sepse është non grata, pra qëndrimi i tyre. Unë nuk e përjetoj si një kërcënim, apo detyrim apo këshillim. Mund të ketë disa që e interpretojnë si të tillë, por unë mendojë atë që duhet, do të respektojë demokratët. Unë nuk mendoj që politika duhet bërë duke pasur parasysh se çfarë do të ndodh me ne do na shpallin apo jo non grata. Vë re sepse duan të justifikohen apo të gjejnë argument me anëtarësinë. Unë kam takuar ambasadoren vazhdimisht, edhe pas zgjedhjeve të 6 marsit. Më ka ftuar ajo” – është shprehur Shehaj,
Discussion about this post