Aktori i humorit, Donald Veshaj, gjatë një diskutimi që ka ndodhur brenda shtëpisë së “Big Brother VIP”, tregoi se është lodhur nga etiketimet e shpeshta si partneri i moderatores, Bora Zemani.
Ai ka bërë me dije se në lojë ka hyrë vetëm, ndërsa kërkon zhdukjen e etiketimeve.
“Unë nuk jam i askujt, boll më me etiketime se nuk jam ‘njeriu i Borës’, në lojë kam hyrë vetëm dhe pa sqaruar shumë gjëra nuk mund të them që jam në një lidhje”– tha ai.
Por deklarata e tij duket se nuk është pritur mirë nga mikja e ngushtë e Bora Zemanit, Semi, e cila i tha Donaldit se deklarata është e tepërt aq më tepër pas puthjes romantike që ata të dy i dhanë njëri-tjetrit.
‘’Kjo përgjigje do të mërzisë atë personin që po të ndjek jashtë. Nuk mund të thuash që nuk jeni asgjë sepse ajo tjetra po të pret. Bëhet fjalë për një person që unë e kam shumë përzemër dhe për këtë arsye duhet të kemi më shumë kujdes”- i tha ajo Donaldit.
Rikujtojmë se, askush nuk mund të harrojë momentin më romantik që ndodhi brenda shtëpisë së “Big Brother VIP”, për të cilën reagoi një Shqipëri e tërë, puthja mes Donald Veshaj dhe Bora Zemanit. Dyshja kishte disa muaj që i kishte dhënë fund lidhjes së tyre, por pas hyrjes së Borës në shtëpi për të surprizuar shoqen e saj të ngushtë, Semi Jaupaj, çdo gjë duket se rilindi mes tyre. / O.B / Gijotina.com
Discussion about this post