Diskutimet mes grupimeve ose ato që shpesh janë cilësuar si ‘kampet’ brenda shtëpisë së BBV, kanë qenë shkak për një debat të fortë në spektaklin e sotëm mes Einxhel dhe Sabianit. Kjo e fundit e ka akuzuar këngëtarin për alenca dhe si të grupuar në frontin e Ilirit, pasi sipas saj ai mbështet strategjinë e balerinit.
Ky koment nuk është pritur mirë nga Sabiani, i cili është nervozuar duke thënë se nuk i përket asnjë grupi brenda shtëpisë së BBV, ndaj nuk ndikohet në qëndrimet e tij nga miqësitë që ka krijuar aty.
‘’Unë nuk ndikohem nga njeri, se rri me atë dhe se e kam shok nuk do të thotë që duhet të jem grup patjetër’’,- tha ai.
Nga ana tjetër Einxhel theksoi se ‘’Sabiani po tregohet jo i sinqertë dhe aspak transparent në lojën e tij’’.
Në fund të diskutimit Einxhel theksoi se argumentat e nominimit të saj nga Sabiani erdhën me shumë vonesë dhe nga kjo lindën gjithë keqkuptimet dhe debatet e mëtejshme.
Discussion about this post