Pak ditë më parë, këngëtarja shqiptare, Fifi, në shtëpinë e “Big Brother VIP” ka treguar se ka një këngë të gatshme me Flori Mumajesin, por që nuk e ka publikuar.
Ditën e sotme, kantautori mori vendimin të publikojë disa pjesë nga klipi në Instastory. Ai ka zbuluar se kjo këngë ka një mesazh shumë të fortë që lidhet me personat me aftësi të kufizuar.
“Dedikuar atyre me të cilët jeta nuk u tregua e drejtë, duke u mohuar fjalët, dëgjimin, por jo ndjenjat!”- shkruan Flori i cili shton më tej: “Nuk jemi dot perfekt edhe po të mundemi s’do të jemi dot kurrë!”
Kujtojmë se Fifi ka thënë se kënga ka përfunduar para dy vitesh, por arsyeja që nuk e kanë publikuar ende është se “Flori shqetësohet mos dal keq pasi në këtë videoklip kam qenë rreth 100 kile”. Por, Fifi tha se i ka thënë disa herë që nuk e ka problem pasi ka qenë ashtu dhe tani është siç dëshiron dhe nuk e ka kompleks peshën.
Discussion about this post