Nënë Liza, e njohur nga protestat e “5 Majit”, vazhdon të marrë pjesë çdo ditë në protestën për rritjen e çmimeve. Në një prononcim për mediat ajo tha se, kjo që po ndodh në vendin tonë është një turp i madh, pasi shteti po rrënon qytetarët.
“Unë një nënë 79-vjeçare po vërtitem në rrënojat e banesave. Mua familjarisht dhe komshinjtë vetëm të na vrasë na ka mbet. Unë do të dal çdo ditë këtu. Të mos ketë turp që dalim. Nuk kemi rrugë. Jemi shqiptarë, nuk jemi në Afganistan, në Ukrainë. Të mos thotë që kam turp, ne nuk dalim për qejf. Dita e verës është kur ulen çmimet. Ai duhet të dali në penxhere”, u shpreh ajo.
Më tej Nënë Liza tha se Rama duhet të dëgjojë fjalën e tyre se po i trajton qytetarët sikur të jenë serb, mos edhe më keq. “Kryeministri ti thërrasë mendjes. Ky është turp për kryeministrin dhe policia ti vendosë gishtin kokës. Të mos marrin të rinjtë e ti fusin në burg. Nuk jemi turq, serbë apo ukrainas, jemi të gjitha jemi të gjithë shqiptarë”, tha nënë Liza.
Discussion about this post