Një situatë e tensionuar është duke u zhvilluar prej disa orësh në kampin e muxhahedinëve në Manzë, ku zëdhënësi i opozitës iraniane pretendon se është vrarë një person gjatë operacionit të policisë.
Megjithatë një gjë e tillë nuk konfirmohet nga policia, në hyrje të kampit, disa prej anëtarëve të MEK protestojnë me pankarta në duar: Policia vrau një prej nesh.
Një prej përfaqësuesve të MEK u shpreh për mediat se kontrolli i policisë ka qenë i beftë dhe se atyre nuk iu është paraqitur asnjë urdhër gjykate. Sipas tij brenda ambientevetë kampit nuk fshihet asnjë person me rrezikshmëri të lartë, ndryshe nga sa pretendon policia.
“Muxhahedinët nuk janë terroristë, nuk janë kriminelë, qindra makina policie kanë ardhur pa asn jë paralajmërim. Çfarë ju kemi bërë ne, çfarë veprimesh terroriste kemi bërë ne. Na kanë sulmuar, ata kanë përdorur gaz lotsjellës. Edhe disa të tjerë janë lënduar, një muxhahedin është vrarë.
Disa vëllezër dhe motra i kanë arrestuar. Nuk na kanë bërë asnjë paralajmërim për këtë kontroll, nuk na kanë treguar asnjë urdhër kontrolli. Nuk ka asnjë person të rrezikshëm brenda kampit, kjo është e gjitha një propagandë.”, u shpreh ai.
Discussion about this post