Paulo Dybala ka arritur një marrëveshje për të vazhduar me Juventusin, por agjenti i tij Jorge Antun është kthyer në Argjentinë dhe Max Allegri tha se klubi dhe sulmuesi “janë ende në bisedime”.
Kontrata aktuale e Dybala-s prej 7 milionë eurosh në vit skadon në fund të sezonit, por dy palët thuhet se kishin arritur një marrëveshje disa muaj më parë me nënshkrimin e argjentinasit që konsiderohet si “e vetmja gjë që mungon” për ta finalizuar.
Dybala raportohet nga mediat italiane se kishte rënë dakord të nënshkruante një marrëveshje prej 10 milionë euro në vit deri në vitin 2026 duke përfshirë bonuset dhe kur agjenti i tij mbërriti në Torino javën e kaluar, shumë menduan se La Joya më në fund do të nënshkruante një zgjatje të kontratës.
Megjithatë, Antun tashmë është kthyer në Argjentinë dhe Dybala nuk e ka zgjatur ende qëndrimin në Torino.
‘Tuttosport’ dhe ‘La Gazzetta dello Sport’ përmendin çështje burokratike që i bindën të dyja palët të shtynin nënshkrimin për në janar.
Gjatë konferencës së sotme për shtyp, trajneri i Juventusit, Massimiliano Allegri dha një përditësim për të ardhmen e sulmuesit.
“Nuk kam folur me klubin për zgjatjen e kontratës së tij. E di që ka pasur një takim me agjentin e tij disa ditë më parë, nuk i di zhvillimet e fundit. Mendoj se janë në bisedime dhe është normale në këtë fazë. Është një kontratë e madhe. Juventusi ka investuar shumë për Dybalan.”-tha ai.
Sulmuesi nuk ka nënshkruar ende një marrëveshje të re dhe në letër ai do të jetë i lirë të flasë me çdo klub tjetër pa pëlqimin e Juventusit brenda dy javësh, duke u larguar nga Torino si lojtar i lirë në verë./K.T/Gijotina.com
Discussion about this post