Në javën e katërt të Kategorisë Superiore, Teuta dhe Kukësi e mbyllën në barazim pa gola sfidën mes tyre. Të dyja skuadrat nuk e kanë nisur mirë edicionin 2022-2023 në Kategorisë Superiore, ku pas 4 ndeshjeve e gjejnë veten në vendet e fundit.
Këtë e treguan edhe në përballjen e sotme në “Niko Dovana”, ku si vendasit ashtu edhe “verilindorët” nuk mundën të gjenin rrugën drejt rrjetës. Kukësi luajti një pjesë të plotë me 10 lojtarë, pasi në minutën e 45+1’ Ferreira doli me të kuq, duke lënë ekipin e Skënder Gegës me një lojtar më pak.
Ndeshja e sotme ishte edhe debutimi i parë i Bledi Shkëmbi në stolin e durrsakëve. Shkëmbi nuk mund ta shfrytëzonte superioritetin si në numër, por edhe të të luajturit në shtëpi që të merrte pikë të plota dhe të bënte kthesën në rezultate.
Kështu pas raundit të katërt të Superiores, Teuta qëndron në vend të nëntë me 3 pikë, teksa Kukësi renditet në vend të fundit me 2 pikë.
Discussion about this post