Është mbyllur pa fitues dueli i javës së 26-të në Serinë A italiane mes Milanit dhe Atalantës. Ndeshja e dytë radhazi pa fitore për kuqezinjtë e Piolit, që kanë ruajtur diferencën në 7 pikë nga bergamaskët që mbajnë vendin e pestë.
Sfida u zhbllokua që në minutën e 3-të, kur milanistët kaluan në avantazh me anë të Leaos, ndërkohë që miqtë gjetën baraspeshën në minutën e 42-të me Kopmeiners që u tregua i saktë nga pika e bardhë e penalltisë.
Fragmenti i dytë i ndeshjes nuk prodhoi gola, pavarësisht përpjekjeve nga të dyja skuadrat, kryesisht nga vendasit. Ky ishte barazimi i pestë në kampionat për Milanin, ndërsa për Atalantën ishte i katërti.
Discussion about this post