Duket se sauditët duan të na tregojnë, përsëri, se nuk kanë asnjë limit përsa i përket shpenzimeve në merkato, duke afruar në kampionatin e tyre të gjithë super yjet e futbollit europian.
Pas transferimit në dhjetor të Cristiano Ronaldos te Al-Nassr e Riadit, filloi ai që mund të quhet “eksodi i europianëve drejt Arabisë”.
Me hapjen e merkatos verore të këtij viti, kemi parë emra të tjerë të shquar të futbollit elitar, që u trasnferuan drejt shkretëtirës, me në krye ish-kapitenin e realit të Madridit, Karim Mustapha Benzema, i cili pasi u duk se do respektonte kontratën e tij me mbretërorët, deri në 2024, vendosi që të pranonte superofertën saudite.
Pas franko-algjerianit, shumë “VIP-a të futbollit” ndoqën fituesin e Topit të Artë, nga Roberto Firmino e Brozovic, deri te Eduard Mendy, Ngolo Kante.
Tashmë, i fundit që është transferuar në Saudi Pro league, është dhe futbollisti senegalez Sadio Mane. Ish-sulmuesi i Bayernit, ka pranuar në parim ofertën e Al-Nassr, duke u bërë kështu, shok ekipi me CR7, Alex Telles dhe Marcelo Brozovic.
Tashmë pritet vetëm plotësimi i disa detajeve, megjithatë mund të themi se marrëveshja është mbyllur, gjë që konfirmohet edhe nga gazetari i njohur Fabrizio Romano.
https://www.facebook.com/fabrizioromanoherewego/posts/pfbid022CKedeD65fB3Asnxx8pgKWWuXRuajsRGkvV9WHVwExaoEYoU1FSfL5PcNbDn6QFMl?__cft__[0]=AZXBi3PZwUw_o1V97Zv2uW6CenPI0xBDrRCP1xBLhOKPC4p7AnJ03Mdrf02iNCFrUO5fnsKm6Zsl2QxKjrmf7QW-nQM5JGRGFQ8JqY38kkDJADCEIgYqmBWNbCBq8lLZokCL5Hxp2Iz7INympBget4xK8YoieEKP6-3BDqc0rKRBR-TilqHJGLrWtrEPmH0dnoWO8gs0UcGUipt9fwaAb3KMKb-TbV10F-_xkLtYrp8zww&__tn__=%2CO%2CP-R
Discussion about this post