Rreth 30 kg marijuanë janë kapur në kufirin greko-shqiptar.
Operacioni nga policia greke në Follorine, në afërsi të Kapshticës ka vënë në pranga 3 shqiptarë të moshës 33, 45 dhe 50 vjeç . Ata po transportonin me këmbë përmes kufirit të gjelbër, 3 çanta që përmbanin 29 pako me 29 kg 110 gram marijuanë. U sekuestruan 3 celulare me 3 karta SIM, 50 euro dhe 3600 lek te reja shqiptare.
Sakaq theksojmë se shqiptarët kanë zotëruar edhe Shtëpitë e Barit në Britani. Policia angleze ka bastisur së fundmi një shtëpi të fortifikuar ku Brenda mbillej drogë. Në pranga kanë rënë dy shqiptarë. Mediat e huaja shkruajnë se bëhet fjalë për 42-vjeçarin Frrok Zefi dhe 27-vjeçarin Aldi Gjetani.
Arrestimi i tyre është bërë, pasi dyshohen se kultivonin kanabis. TNë njoftimin për shtyp nga mediat e huaja theksohet sërish se dy të rinjtgë janë gjetur brenda një shtëpie të fortifikuar në qytetin e Blackpool, ku rruga për t’u futur ishte shumë e vështirë.
Në thuajse të gjitha dyert, siç shihet edhe në foto, ishin vendosur shule të fortë dhe ishin vidhosur në mënyrë që askush të mos kishte akses. Pasi policia ia arriti të depërtonte në godinë dhe të “shpërthente” hyrjet. Brenda ata gjetën 950 rrënjë kanabis, vlera e së cilës përllogaritet diku te më shumë se 1 mln euro.
