Nuk ka kohë për të humbur! Pochettino nis menjëherë të projektojë Chelsea-n e sezonit të ri

Pas zyrtarizimit si trajneri i ri i Chelsea-t, argjentinasi Mauricio Pochettino ka nisur menjëherë punën për skuadrën e sezonit 2023-2024.

Argjentinasi ka zgjedhur emrin e parë që dëshiron të ketë në ekip dhe “blutë” e Londrës kanë nisur nga puna për t’ia plotësuar këtë dëshirë.

Sipas raportimeve të mediave në Angli, Chelsea ka nisur bisedimet me Sportingun e Lisbonës për të afruar Manuel Ugarte.

Megjithatë për mesfushorin që e kërkon edhe klubi i Paris Saint-Germain, klubi bardhegjelbër nuk pranon më pak se 60 milionë euro./SSA