Nuk ka paqe në Francë, vazhdojnë përleshjet mes qytetarëve dhe policisë

Vazhdojnë përleshjet në Francë pasi një djalë 17-vjeçar u vra nga policia në fillim të kësaj jave në periferinë e Parisit, Nanterre.

Reuters raporton se këtë herë protestuesit dhe policia u përleshën akoma më dhunshëm, gjatë marshimit në kujtim të adoleshentit të vrarë, në mënyrë makbër nga policia.

Policia përdori gaz lotsjellës kundër të rinjve që ishin mbledhur në marshim.

Më herët qeveria franceze njoftoi se sonte në Francë do të vendosen gjithsej 40 mijë policë dhe xhandarë, 5 mijë prej tyre në Paris dhe periferitë e tij, për shkak të rrezikut të trazirave të mëtejshme që lidhen me vdekjen e adoleshentit.

Më vete, kreu i rajonit Ile-de-France, Valerie Pecres, tha në Twitter se shërbimet e autobusëve dhe tramvajit do të ndalojnë pas orës 21:00 sonte në rajonin e Parisit.