Trajneri i Napolit, Luciano Spalleti e ka ngritur në qiell me lëvadata kapitenin e Kombëtares së Kosovës, Amir Rrahmanin.
Teksa ka folur pas fitores ndaj Torinos dhe përforcimit të pozicionit të parë në tabelën e Seria A, tekniku ka thënë se pse Rrahmani është titullar i padiskutueshëm në skuadrën e tij.
Sipas Spalletit, shqiptari i Kosovës është një mbrojtës i kompletuar që punon fort dhe se është shumë e vështirë t’i gjesh një pikë të dobët.
“Rrahmani është një lojtar që e ka fituar me meritë vendin e titullarit. Është një lojtar me nivel të lartë. Amiri është një mbrojtës i kompletuar, është e vështirë të gjesh anën e dobët të tij sepse ai ka pozicionim të mirë, fizik, ndikim në lojë dhe është një djalë i disponueshëm në çdo rast”,- u shpreh tekniku italian.
Rikujtojmë që në këtë sezon Rrahmani ka zhvilluar gjithsej gjashtë ndeshje në Seria A dhe Europa League dhe ka shënuar dy gola./K.T/Gijotina.com
