Për shkak të mungesës së bimësisë dhe erozionit, muret e Kalasë së Lezhës janë dëmtuar duke shkaktuar një rrëshqitje prej 17 metrash. Kjo rrëshqitje ka ardhur si rezultat i reshjeve të dendura të shiut në fillim të këtij viti dhe ende nuk është vënë dorë, duke rrezikuar kështu jetën e banorëve. Specialisti Ded Margjoni shprehet se në zonë, nuk ka specialistë mirëmbajtjeje.
Ky fenomeni nisi të shfaqet pas reshjeve intensive të shiut në fillim të janarit, dhe që prej asaj ditë ende nuk është marrë asnjë masë për të mbrojtur këtë pjesë të rëndësishme të historisë, duke vënë në rrezik banorët. Specialisti i trashëgimisë kulturore Ded Margjoni është shprehur se muret e kalasë duhen restauruar, për të shmangur rrezikun, por nuk ka specialistë.
Kjo nuk është hera e parë që Ministria e Kulturës po tregohet e pa mëshirshme me objekte të veçanta të trashëgimisë kulturore, duke i lënë në harresë të plotë.
