Endrit Dokle ka mohuar para grupit hetimor të ketë lidhje me masakrën e Fushë-Krujës, ku mbetën të vrarë tre persona, mes tyre dhe kushëriri i parë i Ervis Martianjt, Brilant Martinaj. Mbrëmjen e djeshme, ai u shoqërua nga policia dhe para efektivëve është shprehur se në momentin e vrasjes, ishte në një vend tjetër.
Madje, ai i është ofruar të vinte në dispozicion edhe kamerat e sigurisë të vendit ku ishte në kohën kur ndodhi vrasja e trefishtë.
“S’kam lidhje me ngjarjen. Nuk kam asnjë konflikt me ta. Jam ndodhur në një ambient me kamera sigurie kur ka ndodhur ngjarja dhe mund tua vë në dispozicion”, ka dëshmuar Dokle.
Kujtojmë se mbrëmjen e djeshme, policia arrestoi tre persona gjatë një aksioni ‘blic’. Endrit Dokle, Fatjon Murati, 32 vjeç, si dhe kunati i Dokles, Gentian Reçi, u vunë në pranga, pasi u kapën në një mjet. Fillimisht policia pikasi Doklen, e pas kontrolleve u zbuluan dhe dy emrat e njohur.
Pa kaluar 24 orë, Dokle dhe Reçi u lanë të lirë, ndërsa në arrest është mbajtur vetëm Murati. Atij iu është prerë fletë-arresti, pasi ishte shpallur në kërkim si bashkëpunëtor i Kristjan Gjinit, 25 vjeç, për ngritjen e një baze armësh në Tiranë. Shoqërimi i Dokles u bë pasi ishte nën shoqërinë e një personi të shpallur në kërkim.
Discussion about this post