Pas aktivizimit të vatrave të zjarrit në zonën e Divjakës, deputeti i Partisë Socialiste, Erion Braçe është shfaqur sot mes flakëve dhe tymit. Në një postim në Facebook, përmes një videoje Braçe shprehet se zjarret janë të qëllimshme.
Më tej, Braçe kërkon prezencën e shefit të policisë së zonës në vendin e ngjarjes, ndërsa i kërkon të bëjë punën e tij dhe të kapë “piromanin”.
“E kuptoni ç’keni bërë apo jo? Kjo është pashembullt është kriminale. Nuk ka pikë dyshimi që puna me zjarret është e qëllimtë. është kriminale. Faleminderit banorëve dhe zjarrfikësve. Por nuk mbaron me kaq. Nuk e shoh fare shefin e policisë dhe asnjë polic këtu. Shpresoj të jetë duke u marrë për të kapur atë që kanë vënë zjarrin se ndryshe do kemi punë bashkë. Nuk ia fal kujt këtë,”-tha Braçe në fjalën e tij.
Deputeti socialist, në postimin në Facebook, thekson se nuk ka për t’ua falur kurrë autoriteteve agravimin e situatës në këtë gjendje.
“E shikoni ç’keni bërë apo jo?
S’ua kishte kush borxh!
Dhe nuk kam për t’ua falur kurrë!
E gjitha është e qellimtë;
E nisën provën dje dhe ja ku e bënë sot!”-shkruan Braçe.
Discussion about this post