Infrastruktura rrugore në fshatin Bitaj në Njësinë Administrative Kolonjë të Lushnjës është tërësisht e amortizuar. Banorët shprehen të indinjuar nga mungesa e investimeve shumë-vjeçare për rikonstruksionin e saj teksa njëzëri kërkojnë ndërhyrje pasi sipas tyre po u vështirësohet jetesa.
“Rrugën ju e patë ca gjendje të keqe është. Jemi ankuar deputetit por askush nuk ka bërë punë. Erion Braçe na premtoi rrugën por asgjë nuk është bërë. Shkatërruam makinat dhe motorët me këto gropa. Na premtojnë shumë por askush nuk ka bërë gjë”, u shpreh banori i fshatit.
“Premtimet e deritanishme kanë qenë të shumta si nga pushteti lokal ashtu edhe nga deputeti i zonës Erion Braçe, por do bëhet sot e do bëhet nesër e asgjë s’po behet. Jemi lodhur nga premtimet boshe”, thonë ata teksa apelojnë për më shumë vëmendje për zonën e tyre të braktisur nga të gjitha qeveritë.
Dikur në këtë fshat kishte gjallëri kujtojnë me nostalgji ata pak banorë të moshuar që kanë mbetur pa u larguar në emigrim, ndërsa sot mungesa e investimeve ka sjelle braktisjen e tij.
Discussion about this post