Deputetja e PD, Jorida Tabaku, ka dalë në një deklaratë për mediat, ku ka folur për procesin e integrimit. Sipas saj qeveria po gënjen, pasi ne nuk kemi bërë progres drejt Europës, përkundrazi kemi bërë hapa pas. Tabaku tha se gjendja autostop në të cilën jemi është reflektuar për faktin që ka rënë 27 vende në listën e shteteve të korruptuara. Gjithashtu, Tabaku sugjeroi që Shqipëria të mos ndahet nga Maqedonia e Veriut, pasi sipas saj, para disa viteve ishte pikërisht vendi ynë që pengoi hapjen e tyre të negociatave.
“Ligjvënësit Evropianë njohin faktin që duhet një luftë e pa kompromis me korrupsionin. Ata solidarizohen me mediat që janë pre e sulmit, presioneve nga ana e qeverisë. Ngre shqetësim për ligjin e mediave. Shprehin me shqetësim faktin që Shqipëria ka rënë me 27 vende sa i përket korrupsionit. Shprehin shqetësim për reformën zgjedhore dhe territoriale. Dua t’ju informoj se si kryetare e këshillit të integrimit do të nis diskutimet. Unë e di që qytetarët janë të lodhur nga retorika e integrimit. E di që qeveria ka festuar 8 herë hapjen e negociatave, por besoj se mbajtja e parë e konferencës së parë ndërqeveritare do të jetë mënyra e duhur se si të procedojmë.
Ça është në dorën tonë e kemi bërë. Përgjegjës për dështimin është Edi Rama. Fatkeqësisht qeveria shqiptare është e pa angazhuar, nuk ka marrë masa për t’iu përgjigjur në mënyrë dinamike këtij procesit. Shqipëria dhe Maqedonia e Veriut duhet të ishin në të njëjtën grup, Shqipëria disa vite më parë dështoi Maqedoninë e Veriut, ndërkohë që i takon tani Shqipërisë të presim. Unë gjykoj që duhet të vijojmë përpjekjet me të gjitha shtetet që janë pjesë e këtij rajoni gjeografik”, tha Tabaku. Ndërsa tregoi ndër të tjera se PD s’ka asgjë në dorë nga pikëpamja e reformave që priten të ndërmerren. Sipas saj, ato i hapin rrugëve pastrimit të parave.
Discussion about this post