Ditën e sotme, presidenti ukrainas Volodymyr Zelensky ka përsëritur se më e mira për të arritur një zgjidhje diplomatike dhe për të ndaluar luftën do të ishte një takim mes tij dhe presidentit rus Vladimir Putin.
“Ne duhet të përpiqemi ta arrijmë, por ne nuk e shohim këtë nga Rusia. Ata thonë një gjë dhe pastaj bëjnë të kundërtën”.
Gjithashtu, sipas tij parakushtet që kërkon Rusia për të nisur negociatat me Ukrainën, janë të papranueshme.
“Janë propozime të papranueshme dhe për këtë arsye ne kemi vendosur të bëjmë një hap prapa. Këto propozime synonin të ndryshonin të ardhmen tonë. Ne kemi qëndruar konsekuent që nga fillimi i konfliktit. Ne e kemi mbajtur gjithmonë linjën tonë”.
Kështu deklaroi presidenti ukrainas, Zelensky, duke nënvizuar se “që në fillim kemi thënë se nuk do të pranojmë asnjë ultimatum”.
Nga ana tjetër, Zelensky është shprehur se nuk ka frikë nga zgjedhja e tij pasi sipas tij rezistenca është e vetmja mundësi që i ka mbetur Ukrainës.
“Jam i bindur se do të fitojmë dhe do të tregojmë të gjithë vlerën tonë para vendeve perëndimore”.
Zelensky gjatë deklaratës tha se nuk ka të drejtë të ketë frikë, pasi ukrainasit kanë treguar se nuk ka frikë nga asgjë. Kështu u përgjigj kur e pyetën lidhur me atentatet që i janë bërë për ta vrarë.
“Rusët nuk e konsiderojnë Ukrainën një shtet të pavarur, ata nuk respektojnë kulturën apo vlerat e ukrainasve. Ata nuk mendojnë se ne kemi të drejtën e pavarësisë, që do të thotë se për ta ne nuk kemi të drejtë për jetë”.
Discussion about this post