Presidenti i Partisë së Lirisë, Ilir Meta në një konferencë për shtyp ditën e enjte, foli në lidhje me projektligjin për shëndetin riprodhues, për të cilin tha se “është përgatitur fshehurazi”.
Meta është shprehur kundër projektligjit për nënat surrogate teksa u shpreh se duan ta kthejnë vendin në një fermë laboratorike.
Ai theksoi se “do të marrë përgjigjen e merituar”, teksa shtoi se “nëse kujtojnë se gjaku i shqiptarëve është bërë ujë do të çuditen”.
Falenderoj personalitetet që ma kanë prishur gjumin që sot në mëngjes të tmerruar nga guximi i internacionales së surrogatove për të kthyer Shqipërinë në një fermë surrogato të të gjithë botës.
Këta e zëvendësuan parullën ‘proletarë të të gjithë vendeve bashkohuni’ po të paktën ata bashkohen në Bashkimin Sovjetik që kishte hapësira pafund, në ‘surrogato të të gjithë botës bashkohuni në Shqipëri’ që e ka boshatisur Rilindja me qëllim që për 11 vite edhe që kujton se është bërë gjaku ujë.
Me këtë çështje do të merremi seriozisht, u bëj të qartë të gjithë udhëheqësve të besimeve fetare që janë të tronditur dhe injoruar në shqetësimet e tyre për një çështje kaq madhore të jenë të qetë. për ne tentative për të shndërruar këtë vend në një fermë laboratorike të internacionales së surrogatove do të marrë përgjigjen e merituar. Agresioni i 7 prillit nuk është gjë para përpara këtij agresioni të mafies ndërkombëtare ndaj popullit dhe kombit tonë synon shpërbërjen tonë.
Nëse kujtojnë se gjaku i shqiptarëve është bërë ujë do të çuditen edhe vetë kudo ku janë dhe planifikojnë këto çmendurira për përgjigjen që do ti japë populli i Shqipërisë.
Nuk kemi moshë ne për të dalë me tanga se ai surrogati i qeverisë del lirshëm fare, ky i bashkisë e dini se çfarë është. Me këtë çështje do të merremi pak më shumë.”, u shpreh ai.
Discussion about this post