Rusia i ka kthyer përgjigje SHBA-së, duke thënë se nuk ka marr një përgjigje konstruktive për propozimet e saj për garanci sigurie dhe mund të marrë masa ushtarako-teknike si përgjigje. Kështu thuhet në përgjigjen me shkrim të Moskës drejtuar SHBA-së, sipas raportimeve nga agjencia e lajmeve Interfax.
“Pala amerikane nuk ka dhënë një përgjigje konstruktive ndaj elementeve bazë të projekt-traktatit me Shtetet e Bashkuara të përgatitur nga pala ruse për garancitë e sigurisë. Në mungesë të gatishmërisë së palës amerikane për të rënë dakord mbi garancitë e forta, ligjërisht të detyrueshme për të garantuar sigurinë tonë nga Shtetet e Bashkuara dhe aleatët e saj, Rusia do të detyrohet të përgjigjet, duke përfshirë zbatimin e masave të natyrës ushtarako-teknike” – thuhet në dokumentin e Moskës.
Një zyrtare e OKB-së tha në mbledhjen e Këshillit të Sigurimit të OKB-së se rreziku rreth Ukrainës është më i lartë se në çdo moment që nga viti 2014.
Discussion about this post