Një tragjedi e vërtetë është regjistruar mbrëmjen e së hënës në Teksas, SHBA, ku 46 persona u gjetën të vdekur brenda një kamioni. Ndërkohë shefi i zjarrfikësve, Charles Hood është shprehur se brenda kamionit ku vdiqën emigrantët nuk kishte ujë apo ajër të kondicionuar.
Ai thotë se ndërsa kamioni ishte një rimorkio frigoriferike, në bord nuk kishte njësi ftohëse. San Antoni, ku edhe u gjet kamioni është goditur së fundmi nga një valë e të nxehtit, me temperatura që arritën rreth 39 gradë.
Sakaq, të 16 të mbijetuarit u dërguan në spital brenda rreth një ore pasi u gjetën, thotë ai.
“Ne nuk duhet të hapim një kamion dhe të shohim tufa trupash atje. Askush nuk vjen në punë duke e imagjinuar këtë”, tha Shefi Charles Hood i Departamentit të Zjarrfikësve të San Antonio.
Discussion about this post