Roma e mbylli në një barazim 1-1 ndeshjen e fundit të këtij viti përballë Torinos. Kryeqytetasit renditen në vendin e gjashtë të Serie A me 32 pikë, 6 pikë larg nga zona Champions.
Pas barzimit, trajneri Jose Mourinho u shprehu hapur zhgënjimin, megjithatë tha se Roma e meritoi fitoren, pavarësisht se luajti keq
“Nuk luajtëm mirë. Ne e merituam fitoren, kryesisht për atë që bëmë në pjesën e dytë para 1-0 dhe pas 1-1. Luajtëm me intensitet, duke u përpjekur për të fituar dhe krijuar situata dominimi. Për mua ishte një lojë shumë e keqe: skuadra që donte të fitonte nuk luajti fare mirë dhe ajo që nuk donte të bënte lojën e saj dhe u shpërblye me një pikë. Mendoj se e merituam fitoren, por luajtëm keq.
Është normale që të dyja skuadrat të jenë paksa të lodhura në fushë. Por unë e pashë atë në timen në pjesën e parë, jo në të dytën. Në fillim ishim të ngadaltë me dhe pa top, na mungonte përqendrimi, e humbëm topin lehtësisht”, tha Mourinho.
Discussion about this post