Nuk mjaftohen me birra, Holandezi përleshet në Tiranë dhe kapet me kokainë

Një shtetas Holandez është arrestuar sot nga policia e Tiranës. Bëhet fjalë për të riun me iniciale K. B., 27 vjeç, banues në Holandë.

Një ditë më parë rreth orës 00:10, shërbimet e Policisë kanë marrë njoftim për një konflikt në rrugën “Abdi Toptani”. Pasi kanë shkuar në vendngjarje, shërbimet e Policisë kanë shoqëruar në ambientet e Komisariatit, hollandezin K. B.

Gjatë kontrollit fizik nga shërbimet e Policisë, 27- vjeçarit iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit kokainë.

I arrestuari pritet të përballet me akuzën për veprën penale “Prodhimi dhe shitja e narkotikëve”.

Materialet i kaluan Prokurorisë, për veprime të mëtejshme procedurale.