Kryeministri i Shqipërisë, Edi Rama, deklaroi sot se Shqipëria, Serbia dhe Maqedonia e Veriut kanë vendosur për nismën “Ballkani i Hapur”, pasi nuk mund të presin më premtimet nga Bashkimi Evropian.
Në një fjalim online në një panel politik në konferencën “Open Balkan” në Serbi, Rama tha se ekonomitë e rajonit e kanë pritur prej kohësh këtë iniciativë dhe se kjo do të mundësojë një zhvillim më të shpejtë ekonomik të të treve përmes kufijve të hapur për mallrat, shërbimet, njerëzit dhe kapitalet.
Sot u zhvillua konferenca e radhës e “Open Balkan”. Mbledhja u mbajt në Serbi, ku kanë marrë pjesë edhe i dërguari i BE-së Miroslav Lajçak.
Ndërkohë kryeministri Edi Rama, i dërguari i SHBA-së për Ballkanin Gabriel Escobar dhe zv.kryeministri i Maqedonisë së Veriut Nikola Dimitrov i janë bashkuar konferencës online.
Discussion about this post