Në protestën që po zhvillohet sot para Ministrisë së Financave, është i pranishëm dhe kreu i Shoqatës së Invalidëve, Abdulla Omuri. Ai u shpreh se kategoria që përfaqëson ka mbetur pa asnjë mbështetje nga qeveria. Omuri deklaroi se janë dërguar mbi 12 shkresa në Ministrinë e Financave, por nuk kanë marrë asnjë përgjigje.
“MF nuk pranoi asnjëherë sugjerimet tona. Ne që kemi punuar në miniera askush nuk e mendon se çfarë kemi hequr. Ne kemi dërguar mbi 12 shkresa dhe e fundit ka qenë më datë 12 shtator, akoma asnjë përgjigje, pse? Me ju thanë se nuk dinë të shkruajnë, jo sepse “Facebook” e përdorin bukur, por nuk duan. Pensionet e pleqërisë janë më të mëdha se pensionet e invaliditetit, përse. Këto të MF si nuk u vjen pa zor, ju e keni parë që MF rimburson kompani për të kryer shërbime dhe që këto shërbime nuk i kryen. A ju vjen pak zor, të rimburson çimento, po ne që kemi kontribuar një jetë të tërë”, tha ai.
Discussion about this post