Vartësit e kryeministrit Rama duket se po e zbatojnë më përpikmëri urdhrin e tij, që tenderët për blerje nafte t’i jepen pa hezitim kompanisë së privilegjuar “Kastrati shpk”. Në ditët e fundit, Gijotina.com ka denoncuar se si bashkitë në vend po i japi pa garë fare miliona lekë Kastratit në kohë krize, që i ai t’i furnizojë me naftë. Rasti i fundit ishte në Bashkinë Durrës, ku për pak ditë Emiriana Sako mbylli tenderin në shkelje të ligjit dhe ja dhuroi kompanisë në fjalë.
Këtë shembull, si për të mos u ndarë nga “tufa”, e ka ndjekur edhe kreu i Bashkisë Shijak Elton Arbana. Bëhet fjalë për tenderin me numër reference REF-16742-12-30-2021 dhe objekt “Blerje karburanti, për të cilin do të shpenzohen plot 8 milionë lekë. Ashtu si në tenderët e denoncuar më parë, edhe në këtë projekt Kastrati është shpallur fitues pa u zhvilluar një garë e mirëfilltë.
Në dokumentet e publikuara evidentohet se, Elton Arbana ka hapur garën për këtë tender në dhjetor të vitit të shkuar dhe ka shpallur fituesin në shkurt të këtij viti. Por gjatë kësaj kohe nuk është paraqitur asnjë ofertë tjetër dhe pavarësisht se për këto raste ligji kërkon pezullimin e procedurave, Bashkia Durrës ka vazhduar në shkelje flagrante dhe ia ka dorëzuar fitoren Kastratit. Veç kësaj, në çdo rast Kastrati parqet oferta të kripura dhe të njëjta me fondin limit, por edhe pse kjo sërish është në shkelje të ligjit, Elton Arbana ka bërë “një vesh shurdh e një sy qorr” dhe e ka pranuar atë.
Afera në ditë pushimesh
Ndërkohë një shkelje tjetër që bie në sy është fakti se shpallja për këtë tender është bërë me datë 31 dhjetor 2021, pra natën e ndërrimit të viteve, që është festë zyrtare dhe pushim për të gjithë. Sipas ligjit institucionet shtetërore nuk punojnë në këtë ditë, por pikërisht atëherë kur askush nuk e ka mendjen Elton Arbana zgjedhe të krijojë këto skema korruptive dhe të vjedh 8 milionë lekë nga taksapaguesit shqiptarë.
Ndërkohë, jemi kurjozë të dimë se si Komisioni i Prokurimeve Publike dhe Agjencia e Prokurimeve Publike i kalon këto afera pa vënë re asgjë. Si firmosen këto dokumente në ditë kur supozohet që sistemi është i mbyllur. Përgjigja dihet, korrupsioni është ai që vepron./ E.H/ Gijotina.com/
Discussion about this post