Nuk ndalen aksidentet me të mitur në kopshte, përfundojnë në spital dy 5-vjeçarë

Policia e Tiranës ka njoftuar për dy raste të reja të dëmtimeve të të miturve në kopshtet e kryeqytetit.

Sipas Policisë, në spital janë paraqitur për ndihmë mjekësore, dy shtetas të mitur të moshës 5 vjeç, të cilët dyshohet se aksidentalisht janë rrëzuar në kopshtet që ata frekuentojnë, njëri në rrugën “Androniqi Antoniu Zengo” dhe tjetri në rrugën “Irfan Tomini”.

Njoftimi i Policisë:

Në SUT janë paraqitur për ndihmë mjekësore, dy shtetas të mitur të moshës 5 vjeç, të cilët dyshohet se aksidentalisht janë rrëzuar në kopshtet që ata frekuentojnë, njëri në rrugën “Androniqi Antoniu Zengo” dhe tjetri në rrugën “Irfan Tomini”.

Materialet për këto dy raste i kanë kaluar Prokurorisë, për vlerësim.