Aleanca për Mbrojtjen e Teatrit kërkon procedimin në Strukturën e Posaçme kundër Krimit dhe Korrupsionit të urdhrave për ‘sekuestrove preventive’. Sot, në orën 11:00, përfaqësues të AMT shkojnë përpara zyrave të Kontrollit të Lartë të Shtetit.
“Do donim t’ju njoftonim se nesër date 20.09.2021 ora 11.00, Aleanca për Mbrojtjen e Teatrit do ta zhvillojë aksionin e radhës në KLSH, ku do t’i kërkojë kësaj të fundit të procedojë pranë SPAK me kërkesa për lëshimin e urdhrave të sekuestrove preventive mbi truallin e Teatrit, projektin korruptiv të Biarke Ingels, shoqërinë “Tirana DC” dj.a dhe fondin e ndërtimit të Teatrit të Ri”,-thuhet në njoftimin e bërë publik për mediet.
Gjykata Kushtetuese pezulloi ndërtimin e Teatrit të ri Kombëtar pasi rrëzoi ligjin special dhe kalimin e Teatrit në pronësi të Bashkisë Tiranë. Kushtetuesja i ka dhënë të drejtë Presidentit Ilir Meta dhe ka rrëzuar Ligjin Special për dhënien me koncesion të hapësirës së truallit të Teatrit Kombëtar, si dhe ka shfuqizuar vendimin për kalimin në pronësi të Bashkisë Tiranë të ndërtesës së Teatrit Kombëtar.
