Banorët e Bërxullës kanë dalë sot në protestë. Ata kërkojnë shpronësim sipas vlerës së tregut për tokat e tyre që preken nga projekti i rrugës Thumanë- Kashar. Banorët janë përplasur me policinë, madje dy prej tyre, halla dhe nipi, kanë hipur në një shtyllë tensioni, duke kërcënuar se do hidheshin. Pas më shumë se një orë negociatash, ata pranuan të zbresin, dhe paralajmëruan se nuk do të ndalojnë këtu.
“U bindëm sepse kemi fëmijë. Shpresojmë që Rama ta marrë seriozisht. Nuk frenohemi këtu. Këtë pronë do e mbrojmë me gjak. I kemi të gjitha dokumentet sipas ligjeve që këta kanë krijuar. Por ligjet nuk zbatohen për ne”, deklaruan banorët.
Kjo është e disata herë që banorët protestojnë për të kërkuar dëmshpërblim për tokat e tyre.
Discussion about this post