Policia vijon të tentojë të marrë dëshminë e Ylli Brahimit, i cili mendohet të jetë shënjestra e atentatit të Milotit. Kujtojmë që kanë kaluar 7 ditë nga atentati mafioz në Milot, ku viktimë mbeti Klisman Preçi, mik i Ibrahimit. Brahimi, i plagosur rëndë nga atentati ndodhet në gjendje të rëndë në spitalin e Traumës. Ai për herë të dytë nuk ka arritur të dëshmojë para hetuesve. Madje në nisjen e dëshmisë ai u ka kërkuar oficerëve që të ndërpresin marjen në pyetje, pasi nuk ishte në gjendje. Burimet kanë bërë të ditur se edhe masat për mbrojtjen e tij janë shtuar ndërsa në dhomën e Brahimit, hyjnë vetëm familjarët dhe punonjës të policisë që janë pjesë e grupit hetimor duke e mbajtur në ruajtje 24 orë.
Policia e Laçit dhe prokuroria janë ende larg në hetimet për qartësimin e situatës dhe identifikimin e autorëve të atentatit në Milot. Agresorët janë kujdesur me përpikmëri, që në këtë krim të linin shumë pak prova, të cilat do i shërbenin grupit të hetimit për zbulimin e ngjarjes.
Ajo çfarë hetuesit kanë mbledhur gjatë këtyre 7 ditëve për këtë ngjarje kriminale, janë vetëm 108 gëzhoja kallashnikovi, një automjet “Audi” të djegur dhe dy armë të djegura.
Njëherësh ekspertiza, ka provuar se ditën e krimit, DVR-ja në shtëpinë e Brahimit, që mbante në memorie filmimet nga kamerat e sigurisë, ka qënë e fikur.
Discussion about this post