Vendi ynë vazhdon të vuajë krizën energjetike dhe familjarët paguajnë fatura marramendëse. Për këtë vazhdimisht qeveria ka gjetur si justifikim luftën në krinë dhe krizën në bursa. Por, faktet tregojnë se kriza tek ne ka filluar që në muajin korrik, ndërsa rritja e çmimeve në bursa u ndje vetëm në fund të muajit tetor 2021. Të dhënat e mëposhtme tregojnë se që në fund të muajit korrik dhe për javët e para të muajit maj 2021, Shqipëria ka blerë energjinë 91.51 Euro/Mwh më shtrenjtë më shtrenjtë se 2020.
Pra ajo që bie në sy sipas të dhënave të publikuara nga OpenData, është fakti që kjo shifër krahasohet më çmimet në bursa dhe përsëri ne regjistrojmë vlerat më të larta se bursa hungareze. “Viti 2021 ka qene viti me çmimin më të lartë të blerjes së energjisë me një rritje rreth 258% krahasuar me vitin 2020. Ky çmim është 91.51 Euro më shtrenjtë për megavat në orë, krahasuar me çmimin mesatar vjetor sipas Bursës Hungareze HUPX cili llogaritej rreth 113.59 Euro/Mwh, shtesa e çmimit për blerjet nga pala shqiptare shënon plus 80.56% të çmimit të Bursës Hungareze”, thuhet në raport.
Ndërkohë ajo që bie në sy, referuar tabelave të mëposhtme, është se ne kemi çmime ndjeshëm më të larta edhe pse jemi vetë një vend prodhues të energjisë elektrike. Sipas të dhënave të publikuara, konsumimi i energjisë në Shqipëri paguhet me çmime relativisht të larta për konsumator familjarë apo biznese krahasuar me rajonin dhe Evropën.
Në grafikun e mëposhtëm paraqitet ecuria e çmimeve mesatare mujore në Bursën Hungareze HUPX dhe Bursën Greke HENEX , të cilat merren si referencë edhe në transaksionet e shoqërive që operojnë në tregun e energjisë në Shqipëri. Rritja e drastike e tyre që prej muajit Gusht 2021, u reflektua edhe në Shqipëri duke çuar në shpalljen e krizës energjitike në Tetor 2021. Çmimi më i lartë në vitin 2021, u vu re në muajin Dhjetor, ku çmimi mesatar sipas HUPX shënoi vlerën 245.81 për Megavat orë me një rritje prej 321.7% krahasuar me muajin Janar 2021. Ndërsa çmimi mesatar sipas HENEX shënoi vlerën 235.38, me një rritje prej 348.1% krahasuar me muajin Janar 2021.
Edhe pse në fillim të vitit 2022, u vu re një rënie në çmimet e energjisë elektrike, përsëri në Mars 2022 pati një kulmim të nivelit të çmimit mesatar i cili shënoi 303.74 Euro/Mwh në bursën HUPX dhe 272.68 Euro/Mwh në HENEX. Pra është e qartë që lufta është justifikimi që nuk qëndron, pasi kriza tek ne ka filluar gati 8 muaj para luftës dhe gjithashtu 3 muaj para se të fillonte rritja në bursa.
Discussion about this post