Ambasadorja amerikane Yuri Kim dhe ndihmës Sekretarja për Byronë e Çështjeve Evropiane dhe Euroaziatike Dr. Karen Donfried do të zhvillojnë një takim të premten me kreun e grupit parlamentar të PD, Enkelejd Alibeaj në një kohë kur PD po zien nga debatet e brendshme. Në këtë takim do të jenë të pranishëm Jorida Tabaku dhe Gazment Bardhi.
Ky është takimi i dytë që Yuri Kim zhvillon me Alibeajn në një kohë shumë të shkurtër, ku kujtojmë se hera e fundit u shoqërua me debate pasi Kim iu referua Alibeajt si kryetari i komanduar i PD në një kohë që gjykata njohu Komisionin e Rithemelimit si organin drejtues të PD.
Nga ana tjetër, sekretarja Karen Donfried do të vizitojë Ballkanin Perëndimor nga 25 deri më 29 prill, me ndalesa në Shqipëri, Bosnje dhe Hercegovinë, Kosovë, Mal të Zi, Maqedoninë e Veriut dhe Serbi.
Discussion about this post