Punonjësit e HEC-it në Valikardhë të Bulqizës kanë dalë ditën e stome në protestë, pasi nuk marrin rrogën prej 3 muajsh. Në një prononcim për mediet ata janë shprehur se për shkak të një ngërçi mes koncensionarit dhe një banke të nivelit të dytë, prej 3 muajsh nuk kanë marrë pagat, më konkretisht për muajt Gusht, Shtator dhe Tetor. Sipas tyre, pagat nuk janë shpërndarë qoftë për punonjësit brenda në HEC, qoftë për personelin e sigurisë që ruan godinën, por askush nuk ju jep shpjegim.
Në këtë kuadër, ata i bëjnë thirrje Kompanisë “Teodori 2003” dhe bankës që të zgjidhin sa më parë ngërçin, e krijuar artificialisht sipas tyre, dhe të paguajnë pagat e punonjësve sepse kjo vepër është e një rëndësie të veçantë. Sakaq, ata paralajmërojnë se nuk kthehen në punë pa marrë pagat, gjë e cila mund të përbëjë rrezik për komunitetin, nëse HEC-i nuk punon normalisht. Punonjësit paralajmërojnë mbajtjen e një protestë gjatë ditës së nesërme, me qëllim që kompania të vihet në lëvizje dhe t’iu kalojë rrogat e prapambetura. E.H/ gijotina.com/
Discussion about this post