Deputeti i Partisë Demokratike, Flamur Hoxha, në një intervistë për mediat ka folur për situatën politike brenda selisë blu. Hoxha i ka dalë në krah Bashës për të cilin thotë se kreu i PD-së nuk ka përdorur kurrë gjuhë ofenduese të etiketuar si “llum” ndaj asnjë demokrati.
“Si mund të ketë marrëveshje të fshehtë mes Bashës dhe Ramës. Nuk pajtohem me gjuhën dhe akuzat që po përdoren në foltore, që të akuzosh dikë duhet të kesh fakte. Sot në këtë botë që po jetojmë shpifja është bërë normale por e rëndësishme është që të besojmë tek vërtetësia e kësaj që thoni. Unë nuk marr pjesë për shkak se në foltore është bërë shumë shpifje. Duhet të jemi të ndjeshëm me fjalët të cilat vrasin më shumë se plumbi. PD nuk duhet të bëhet për pakte apo bashkëpunime, nuk ka demokrat, deputet që duhet të mendojmë se duhet të bashkëpunojmë me Ramën” – është shprehur Hoxha.
Hoxha tha se mbi 80% e bazës demokrate i ofron mbështetje Lulzim Bashës, ndërsa bën thirrje për të zhvilluar një Kuvend i unifikuar.
“Takime me elektoratin, qëndrimi i bazës në selinë blu në mbështetje të Bashës? Baza është ajo që votoi mbi 80 % për kryetarin e partisë. Jam ndjerë keq kur thonë se është përjashtuar lideri historik, Berisha është pjesë e PD por është pezulluar deri në vendimin final të gjykatës. Në media transmetohen gjëra të pavërteta. Nuk ka demokrat që i quan llum kryetari i PD nuk është përdorur kurë gjuha e urrejtjes dhe thyerjes nga kryetari i PD. Koha do të më japë të drejtë për të qenë PD të hapë një epokë të re në këtë dekadë, duke përfshirë figura të rëndësishme3 për të marrë vota nga qytetarët gri, duhet të jemi një parti që të udhëheqim bindshëm shqiptarët” – tha Hoxha.
Discussion about this post